საშუალოდ ადამიანს საცხოვრებლად 5-6 მ/კვ სჭირდება. ინდოეთში, კერძოდ ქალაქ მუმბაიში ეს ციფრი აშკარად ძალიან დიდია. Antilia – ყველაზე დიდი საკუთარი ბინაა მსოფლიოში, რომელიც 27 სართულისაგან შედგება და რომლის მშენებლობაც სულ ახლახანს დასრულდა.
ამ უშველებელ ბინაში ცხოვრობს სულ რაღაც 5 ადამიანი. ინდოეთის ყველაზე მდიდარი კაცი მუკეშ ამბანი (Mukesh Ambani), მისი მეუღლე და სამი შვილი. არადა ინდოეთი გახლავთ სახელმწიფო, რომელშიც მსოფლიოს ყველაზე ღატაკი მოსახლეობის მესამედი ცხოვრობს. ბინის სიმაღლე 173 მეტრია, ფართობი – 37 000 მ/კვ, ანუ 7400 მ/კვ თითოეულ ადამიანზე.
თუმცა ოჯახის გარდა ამ ბინაში 600 მოსამსახურე იქნება. თავად მუკეში კი აცხადებს, რომ ის ყოველთვის ოცნებობდა დიდ ოჯახზე და ამოდენა სახლიც სწორედ ამისთვის სჭირდება. Antilia-ში მდებარეობს გამაჯანსაღებელი ცენტრი, უზარმაზარი აუზი, საცეკვაო სტუდია, სხვადასხვა გასართობი სალონი და რათქმაუნდა კინოთეატრი. სახურავზე ვერტმფრენის სამი დასაჯდომია, ხოლო პირველ სართულზე 160 ავტომობილს აქვს საშუალება პარკინგისა.
მთელი ეს შენობა შემკვეთს დაუჯდა დაახლოებით 1 მილიარდი დოლარი, ხოლო პროექტის ავტორი ორი სტუდიაა – Perkins Will და Hirsch Bedner Associates. მოკლედ, დახუჭობანას ტამაში ამ სახლში ნამდვილად კარგი იქნებოდა…
**********************************************************************
**********************************************************************