ბერძენმა სპორტსმენმა იანის კუროსმა ხუთი მსოფლიო რეკორდი მოხსნა სირბილში. მან ავსტრალიაში ექვსი დღე–ღამის განმავლობაში ირბინა. ეს არის ისტორიაში ყველაზე ხანგრძლივი გარბენა. მორბენალს ხელს უშლიდა არა მხოლოდ დაღლილობა, არამედ ამინდიც _ ის მოჰყვა ქარიშხალში და მიიღო მსუბუქი ტრამვები, მაგრამ სირბილი არ შეუწყვეტია. მან დაამყარა შემდეგი რეკორდები: _ 500 კილომეტრზე სირბილში (როგორც გუნდურ, ისე ასაკობრივი კატეგორიაში _ 45-40 წუთი).
_ 100 კმ–ზე სირბილში ასაკობრივ კატეგორიაში.
_ კუროსმა 6 დღეში 1036 კილომეტრი და 853 მეტრი გაირბინა, რითაც საკუთარი რეკორდი მოხსნა 1023 კმ. 200 მ. ეს რეკორდიც მას ეკუთვნოდა.
მიუხედავად დაღლილობისა, ფინიშის შემდეგ კუროსს ეყო ძალა, გულშემატკივრებთან ერთად აღენიშნა გამარჯვება.
„ასეთი მანძილის გარბენა სიგიჟეს ჰგავს. გარკვეულ დისტანციებზე დაღლილობისაგან კუნთები აუტანლად მტკიოდა. სხეული აღარ მემორჩილებოდა, ამ დროს ჩაირთვებოდა ფსიქოლოგიური მექანიზმი, რომელთა დახმარებითაც სირბილს მაინც განვაგრძობდი¨. _ განუცხადა კუროსმა ჟურნალისტებს.
იგი დაიბადა ქ. ტრიპოლში. ბავშვობიდან ვარჯიშობდა სირბილში. 27 წლიდან მონაწილეობს უშორეს მარათონულ გარბენებში. გაანგარიშების თანახმად კუროსმა მთელი სპორტული კარიერის განმავლობაში გაირბინა მანძილი დედამიწიდან მთვარემდე 385 ათასი კმ.
