ეს გამოთქმა შემორჩენილია ძველი დროიდან.. ადრე ავადმყოფისათვის თავზე რომელიმე ცხოველის შემოვლება სცოდნიათ. თითქოს ამით სნეულება თავზე შემოვლებულ ცხოველს გადაეცემოდა და ავადმყოფი განიკურნებოდა. შემდეგ ამ ცხოველს მსხვერპლად სწირავდნენ _ კლავდნენ, უფრო ადრე კი ადამიანის მსხვერპლად შეწირვაც სცოდნიათ.
ამრიგად, გამოთქმა „თავს შემოგევლები¨, ნიშნავს: მსხვერპლად შეგეწირები, თავს გავწირავ შენთვის, მზად ვარ შენი ყოველგვარი გასაჭირი და ავადმყოფობა ვიტვირთო.
