რისგან შედგება სახლის მტვერი? …
მტვერი – ეს არის მყარი ნაწილაკი, სიგრძით 10-დან 0,01 მიკრონამდე. იგი ხშირად დაცურავს ჰაერში და ერთი-მეორეზე დაყრდნობით ზომაში სწრაფად იზრდება, დაახლოებით 10-დან 50 მკმ-მდე. სახლის მტვრის შემადგენლობაში შეიძლება შინაური ცხოველის ქერტლი, ბალანი, ადამიანის კანი, თმა, ასევე ნეილონი, მინის ბოჭკო, ქვიშა, ქსოვილისა და ქაღალდის ნაწილაკები შედიოდეს. მაგრამ ძირითად ნაწილს, დაახლოებით 80%-ს მიკროსკოპული მტვრის მარწუხები შეადგენს, რომელმაც ადამიანის ცხოვრებაში უძველესი დროიდან დაიმკვიდრა ადგილი.
სახლის მტვერი არც ისე საზიანოა. პრობლემას მხოლოდ მისი ბუნებრივი ცხოველმოქმედება წარმოადგენს, რომელიც ხშირად ძლიერ ალერგიას იწვევს. მტვერი დადებითი თვისებითაც გამოირჩევა: მას შეუძლია დიდი რაოდენობით მავნე მიკრობებისა და ბაქტერიების შთანთქმა. ყოველივე ეს მტვრის გარემოცვაში ეხვევა და ჰაერში თავისუფლად ვეღარ დაფრინავს. მტვრის ერთი ნაწილაკი მილიონობით მიკრობს შეიცავს. ამიტომ სახლის მტვერში პრაქტიკულად მენდელეევის ცხრილისა და თითქმის 100 ორგანული შენაერთის აღმოჩენა შეიძლება. მიკროორგანიზმების დაღუპვის შემდეგ ბაქტერიული ენდოკსინების გათავისუფლება ხდება. ბაქტერიებისათვის ეს მეტაბოლიზმის ნორმალური პროდუქტია, ხოლო ადამიანებისა და სხვა სულიერი არსებებისათვის საკმაოდ შხამიანია.
და რამდენად გასაოცარიც არ უნდა იყოს დედაქალაქში მცხოვრებნი ორგანიზმში ერთი დღე-ღამის განმავლობაში ფილტვების საშუალებით 6 მილიარდამდე მტვრის ნაწილაკს ატარებენ, რაც ორ ცალ სუფრის კოვზზე შეგვიძლია დავტიოთ.
