უძილობა – ღამის ძილის ხანგრძლივობის შემცირება, წყვეტილი ძილი, დაძინების პრობლემა და ნაადრევი გაღვიძება. ამას ხშირად დაერთვის მოუსვენრობა, მომატებული აგზნებადობა და სხვა. უძილობისას მცირდება ღრმა ძილის პერიოდი, ირღვევა ურთიერთობა ძილის სიზმრებიან და უსიზმრო ფაზებს შორის, რაც ჯანმრთელობისთვის არც ისე კარგია. უძილობას მრავალი ფაქტორი იწვევს, უპირველეს ყოვლისა ნერვული სტრესი, ცხოვრების დაძაბული რიტმი და ნევროზი.
უძილობა შესაძლოა რაიმე კონკრეტული დაავადების გარეშეც განვითარდეს, მაგრამ როგორც წესი მას იწვევს – ნევროზი, ფსიქოზი, ტვინის სისხლძარღვოვანი დაავადება. ასევე ძილის სტადიაში დროულ ჩართვას ხელს უშლის ხველა, ქოშინი, კუჭის აშლილობა და სხვა. გთავაზობთ 10 სასარგებლო რჩევას, რომელიც ღამით ძილის გაუმჯობესებაში დაგეხმარებათ.
1. ეცადეთ ყოველ დღე ერთსა და იმავე დროს გაიღვიძოთ და დაწვეთ დასაძინებლად. ძილის წინ აუცილებლად ჩაატარეთ ღამის პროცედურები: გაისუფთავეთ კბილები, მიიღეთ შხაპი.
2. მოერიდეთ საუბარს საქმიან საკითხებზე, ასევე ჩხუბს და კამათს, რათა დაწოლისას პრობლემებზე ნაკლებად იფიქროთ.
3. დაგეგმეთ ვიზიტი ექიმთან – თქვენი უძილობა შესაძლოა გამოწვეული იყოს ჯანმრთელობის პრობლემებით. ძირითადად მისი სიმპტომები დეპრესია, დაძაბულობა და შფოთვაა. ინსომნიის განვითარების სხვა მიზეზები კი შეიძლება იყოს გარემო პირობები, ტკვილი, არასწორი ცხოვრების სტილი და სხვა. ეცადეთ იპოვოთ თქვენი პრობლემა, რათა ადვილად შეძლოთ უძილობისგან თავის დაღწევა.
4. მოერიდეთ შემდეგ მოქმედებებს დაძინებამდე 6 საათით ადრე:
- მცირე დოზით ალკოჰოლი ხელს უწყობს მოდუნებას, თუმცა მისი მცირე დოზით მიღებამაც კი შეიძლება გამოიწვიოს ძილის პროცესის დარღვევა.
- კოფეინი ამგზნები საშუალებაა, რომელსაც ბევრი საკვები და სასმელი პროდუქტები შეიცავს: ყავა, ჩაი, შოკოლადი და ა.შ. ნებისმიერი ამღზნები საშუალება კი დაძინებას ართულებს.
- ნიკოტინი ასევე ამგზნები საშუალებაა, რომელიც ძილის სტადიებზე ნეგატიურად მოქმედებს.
- მოერიდეთ ასევე გაზიან სასმელებსა და ძილის წინ ნოყიერი სასმელების მიღებას. საკვები წარმოქმნის ენერგიას ორგანიზმში, რაც ხელს უწყობს ფხიზლად ყოფნას. ამასთანავე სავსე მუცლით დაძინება ხელს უწყობს გულძმარვას, გადამამუშვებელი სისტემის მოშლას.
5. ივარჯიშეთ დღის განმავლობაში მინიმუმ 30 წუთით. სასურველია თუ დაძინებამდე მინიმუმ 3 საათით ადრე ივარჯიშებთ, ან ფეხით გაისეირნებთ.
6. ეცადეთ დღის განმავლობაში მინიმუმ 1 საათი გაატაროთ მზეზე. მზის სხივები ორგანიზმის გაღვიზება-დაძინების ციკლს აუმჯობესებს.
7. გამოიყენეთ ბუნბრივი საძილე საშუალებები. ზოგიერთ საკვებს დამამშვიდებელი თვისება აქვს. მაგალითად რძე, შიცავს მელატონინს, რომელიც ეხმარება ძილის წარმართვას. თუ რძე არ გიყვართ შეგიძლიათ გამოიყენოთ მელატონინის აბები.
დალიეთ მცენარეული ჩაი დაძინებამდე 30 წუთით ადრე. უმჯობესი იქნება გვირილას, კატაბალახას ან მოცვის ნაყენი.
8. თუ იოგას ხელოვნებას ფლობთ, კარგი იქნება თუ მედიტაციით ან ვარჯიშით დაკავდებით დღეში 2ჯერ, 20 წუთით მაინც.
9. კარგად გაანიავეთ ოთახი დაძინებამდე. საათი კი ისე შეატრიალეთ, რომ წოლისას მას ვერ ხედავდეთ.
10. მიიღეთ ცხელი აბაზანა დაძინებამდე 1-2 საათით ადრე. ცხელი წყალი გაზრდის თქვენი ორგანიზმის ტემპერატურას, რაც ხელს შეუწყობს ტკბილ და ღრმა ძილს.
წყარო : lollipop.ge
