არქივი

ლუდის დამზადება

5f3cc9cc6415
ლუდი ყველასათვის საყვარელი სასმელია, თუმცა ბევრი არ იცნობს დამზადების ტექნოლოგიას.

ღვინის მსგავსად, ლუდის დასამზადებლადაც დუღილია საჭირო. ლუდის მოსახარშად აუცილებელი ინგრედიენტებია : ქერი, სვია, წყალი და საფუარი. დადუღებისთვის საჭირო შაქარი ქერიდან გამოიყოფა. ზოგიერთი სახეობის ლუდის მისაღებად, ქერის ალაოს ნაწილობრივ ბრინჯის , სიმინდის ან ქერის ფქვილით ცვლიან. ლუდის მიღების ტექნოლოგიური პროცესი ქერის მარცვლების წყალში დალბობით იწყება. შემდეგ მას აღივებენ, მწვანე ალაოს აშრობენ, ღივებს აცლიან და რამდენიმე დღის განმავლობაში აყოვნებენ.

0a4b8e492358
ამის შემდეგ ქერს აქუცმაცებენ, ფქვავენ და ცხელ წყალს ასხავენ. მიღებულ მასალაში განსაზღვრულ ტემპერატურაზე ფერმენტული პროცესები მიმდინარობს, რომელთაგანაც ძირითადია სახამებლის შაქრად ქცევა.
f2ca21221b82
ტკბილ წვენს სპეციალურ ჭურჭელში ათავსებენ, სადაც სვიასთან და შაქართან ერთად ადუღებენ. სვიას კარგად გამოხატული სიმწარე და არომატი გააჩნია.
8bfa464ee74f
ადუღების შემდეგ სითხეს ფილტრავენ და აგრილებენ. საბოლოო ფერმენტაციისთვის მას საფუარი ემატება და სადუღარ აპარატში დაახლოებით ერთი კვირა რჩება. საჭირო გემოს მისაღებად და დასაგაზად ლუდი ნახშირორჯანგით ჯერდება. ზოგიერთი სახეობის ლუდი მხოლოდ მაშინ იგაზება, როდესაც დუღილის პროცესი სრულდება. ზოგიერთი კი დუღილს ბოთლში ასრულებს.
086c6656cf20
f3eb26f00b1f

მსგავსი ამბები

Back to top button