პოსტში გრძელდება იმ გამომგონებლებზე საუბარი, რომლებსაც შეცდომით მიაწერენ პირველობას სხვადასხვა სფეოებში.
საბეჭდი მანქანა
ეს კიდევ ერთი ცნობილი ფაქტია ისტორიის სახელმძღვანელოებიდან. საბეჭდი მანქანა რენესანსის ეპოქის უდიდესი მონაპოვარი იყო, მან ინფორმაციის გავრცელება ფართო მასშტაბებით გახადა შესაძლებელი. ის 1439 წელს იოჰან გუტენბერგმა შექმნა, მის მანქანას 1 საათში 240 გვერდის დაბეჭდვა შეეძლო.
მაგრამ გუტენბერგამდე 200 წლით ადრე კორეაში, ,,გორიეო”-ს დინასტიის მმართველობის დროს უკვე ბეჭდავდნენ წიგნებს. საბეჭდი დაზგა კორეაში XIII საუკუნეში შეიქმნა, კორეელები ამ პერიოდისთვის უკვე ახერხებდნენ ძველი ხელნაწერების თავიდან დაბეჭდვას, მათი შენარჩუნების მიზნით. დღეს შემორჩენილია კორეაში დაბეჭდილი წიგნის ფურცელი, რომელიც გუტენბერგამდე 100 წლით ადრეა დაბეჭდილი. ამ წიგნის გვერდს ,,ჯიკჯი” ქვია. ეს ყველაფერი ნიშნავს იმას, რომ მსოფლიოში პირველი ნაბეჭდი წიგნი გუტენბერგის ბიბლია არ არის. არსებობს მოსაზრებები , რომ გუტენბერგმა ტექნოლოგია კორეიდან მოიპარა, თუმცა ამას ვერ ადასტურებენ.
SOS სიგნალი
ტიტანიკი ბევრი რამითაა ცნობილი მსოფლიოში: თავისი გაბარიტებით, გემზე სათადარიგო ნავების მცირე რაოდენობით და ჯეიმს ქამერონის ოსკაროსანი ფილმით. არის კიდევ ერთი რამ, რასაც ტიტანიკს ტყუილად მიაწერენ, ეს SOS სიგნალია. ტიტანილი ყველაზე ცნობილი გემია, რომელმაც ეს სიგნალი გამოიყენა მაგრამ ის პირველი ნამდვილად არ ყოფილა.
პირველი განგაშის უკაბელო სიგნალი გაუშვა ,, East Goodwin Lightship”-მა 1899 წლის 17 მარტს. თუმცა ეს სიგანლი იყო : “CQD” და არა ,,SOS”. ეს უკანასკნელი შემდგომში შემოვიდა ხმარებაში. რაც შეეხება კონკრეტულად ,SOS”-ის განგაში სიგნალად გამოყენებას, ეს პირველად 1909 წელს გემმა ,,SS Slavonia” გააკეთა, სხვათაშორის წარმატებულად.
პირველი ნათურა
თომას ედისონი მსოფლიოში ცნობილი ვარვარის ნათურის გამოგონებით გახდა. თუმცა ნათურები ედისონამდე დიდი ხნით ადრე გამოიგონეს, თან არაერთმა მეცნიერმა.
სერ მერფი დეივიმ 1801 წელს პლატინის გამოყენებით შექმნა პირველი მელექტრო ნათურა, 78 წლით ადრე ედისონის გამოგონებამდე. 1840 წელს იგივე გააკეთა ვარენ დე ლა რუამ ოდნავი ცვლილებებით, თუმცა ისევ პლატინის გამოყენებით. პლატინის ნათურების მთავარი ნაკლი მათი სიძვირე იყო.
შედარებით თანამედროვე ნათურა 1854 წელს ჰეინრიხ გიობელმა შექმნა, ხოლო თითქმის 99%-ით ედისონის ნათურის მსგავსი ნათურა ჯოზეფ უილსონმა დააპატენატა, 10 თვით ადრე ვიდრე ედისონი იგივეს იზავდა. ედისონი უდავოდ დიდი მეცნიერი იყო, თუმცა ამ სფეროში მისი პირველობა გადაჭარბებულია.
