კრეატივისაქართველოუცნაური

ქართველი მოქანდაკის რკინის ნამუშევრები

 photo 1_zps39170691.jpg

ბევრჯერ წამიკითხავს პოსტები უცნაური სტილით შესრულებულ რკინის ნამუშევრების შესახებ. მე წარმოგიდგენთ ქართველი ხელოვანის ნამუშევრებს, რომლებიც შესრულებულია რკინაში, ელექტრო შედუღების აპარატით.

ეს არის დავით მონავარდისაშვილი. 3 წლიდან ხატავს. დამთავრებული აქვს სამხატვრო აკადემია – გრაფიკის ფაკულტეტი. მუშაობს ბევრი მიმართულებით და უფრო მეტი – მასალით. მის ნამუშევრებში გამოყენებულია მასალის დიდი მრავალფეროვნება – რკინა, ხე, სხვადასხვა ქსოვილი, სარკე, ყოვლად გამოუსადეგარი ძველი ნივთები, მანქანის ნაწილები და სხვა. ისინი ხშირად შეიცავენ დიზაინის ელემენტებს, მრავალი მათგანი ნათდება და ძალიან უხდება თანამედროვე დიზაინს.

რკინაში მუშაობა 10–15 წლის წინ დაიწყო, თავიდან მარტივი ფორმებით, სახლის რემონტიდან მორჩენილი ელექტრო–შედუღების აპარატით, სწორედ ეს ხდის მის შემოქმედებას უნიკალურს და რთულად გამეორებადს. რკინის ნამუშევრებს ის დღესაც ამ გზით აკეთებს თავისი სახლის უკან მდებარე ღია ავტოფარეხში. რკინის სამუშაოს შემდეგ, ნამუშევრები ნუცუბიძის ქუჩაზე მდებარე სახელოსნოში გადადის და იქ უმატებს სხვა მასალის დეტალებს.
გთავაზობთ სურათებს მისი სახელოსნოდან:

 photo 3_zpsaeda56c7.jpg

 photo 2_zps184ca3f5.jpg

 photo 1_zps39170691.jpg

 photo 15_zps605eeb94.jpg

 photo 5_zpsc78ec507.jpg

ის ხშირად იყენებს ძველ და ყოვლად გამოუსადეგარ ნივთებს და მათგან ქმნის შედევრებს.

 photo 4_zpscbb799c9.jpg

 photo 8_zpsebbf0864.jpg

 photo 16_zps33be7617.jpg

როგორც უკვე ვთქვი, მისი ნამუშევრები ხშირად შეიცავენ საბჭოთა ელემენტებს. როგორც თვითონ ამბობს – იმ რეალობას ასახავს, რომელშიც დაიბადა და გაიზარდა.

 photo 18_zps9f6bd025.jpg

ეს ნამუშევარი არის ნაწილი სერიიდან: “მოგზაურობა ბიბლიაში” და ასახავს მაცხოვრის შესვლას იერუსალიმში:

 photo 9_zps555b2e62.jpg

 photo 766141256464185_zps07a03864.jpg

 photo 10_zps8412594a.jpg

სერიის “მოგზაურობა ბიბლიაში” გაგრძელება – პონტიუს პილატე

 photo 19_zpsf66e3c4a.jpg

 photo 20_zpsda2ce0fa.jpg

მოსე – ასევე სერიიდან “მოგზაურობა ბიბლიაში”

 photo 21_zps605fc993.jpg

ბატონი დათოს ნამუშევრები მრავალ უცხოურ და ქართულ ადგილას ინახება, მათ შორის ამერიკელი პოსტსაბჭოთა ხელოვნების შემგროვებელი ცოლ-ქმრის – ნორტონ და ნენსის კოლექციაში, მერილენდის უნივერსიტეტის მუზეუმში, საფრანგეთში, რუსეთსა თუ სხვა ქვეყანაში.
მისი ნამუშევრები (ოღონდ არა რკინის) ამშვენებს თბილისის ცირკის კედლებსაც. აი რამოდენიმე მათგანი:

 photo 22_zps0af665b3.jpg

 photo 24_zps701a93f7.jpg

 photo 23_zps8237911d.jpg

და ბოლოს მინდა დავასრულო მისი ერთ-ერთი საუკეთესო პროექტით – ორი ნამუშევრით – “ლოკოკინით” და “მეარღნით”, რომელიც დღეს-დღეობით განახლებულ თელავში დგას და რომელთა უკეთესი სურათები სამწუხაროდ ვერ ვიშოვნე. ეს ნამუშევრები მისთვის ძალიან ძვირფასია, რადგან ბავშვობის ძალიან დიდი ნაწილი სწორედ თელავში აქვს გატარებული.

ეს ხელოვნების ნიმუში სამი სხვადასხვა ზომის ლოკოკინისგან შედგება, სამივე ძირითადად ძველი ქანჩებისგან არის აწყობილი. მათგან ყველაზე დიდს აქვს გარშემო შუშის ბაქანი, რომელშიც ძველი თელავის სურათებია ჩასმული და შიგნიდან ნათდება, რაც ღამით ძალიან ეფექტურს ხდის. (სამწუხაროდ განათებულის სურათი ასევე ვერ ვიშოვნე)

 photo 7_zps82c613e6.jpg

 photo 11_zpsedc9378d.jpg

ეს კი გახლავთ თელავის მეორე ნამუშევარი – მეარღნე. სამწუხაროდ, სურათი არ არის საუკეთესო, მაგრამ მაინც კარგად ჩანს ნამუშევრის სირთულე და მოქანდაკის დიდი ოსტატობა. ისიც ხომ, სხვა ნამუშევრების მსგავსად, მცირე ლითონის დეტალებისგან ელექტრო–შედუღების აპარატით არის შექმნილი.

 photo 6_zps66f959b4.jpg

სულ ეს იყო, სურათების ნაწილი აღებულია დათო მონავარდისაშვილის FB გვერდიდან – www.fb.com/DavidMonavardisashvili – მე რა სურათებიც ვერ განახეთ პოსტის სიდიდის გამო, მის გვერდზე შეგიძლიათ ნახოთ. სურათების დიდი ნაწილი და მცირეოდენი ინფორმაცია არის აღებული თათა ათანელის ვებ–საიტიდან – www.Tataneli.com

იმედია მოგეწონათ ჩემი პირველი პოსტი:)

loading...
თეგები

Liza Chabukiani

Marketing student. Interested in advertising and discovering talents

მსგავსი ამბები

Close
Close