ემუს ემტერებიან ავსტრალიაში, კუნძულ ტასმანიასა და კუნძულ კინგზეც. რა დააშავა მსოფლიოში ამ უდიდესმა ფრინველმა? მას ბრალი ედება იმ წყლის მოხმარებაში, რომელიც ცხვრისა და მსხილფეხა საქონლისთვისაა გამიზნული. გარდა ამისა, მას ბრალს სდებენ ხორბლის ყანის დაზიანებაშიც. ემუს სხვა „დანაშაულიც“ აქვს: როდესაც მისდევენ, იმის მაგივრად რომ ეკალ-ბარდებში გაიხლართოს, იგი ეკლიანი მავთულის ღობესაც კი ახტება და თავს გაქცევით შველის. დამსახურებად არ უთვლიან, რომ ეს პატარა სირაქლემები აუარებელ მუხლუხოებს და კალიებს ანადგურებენ. დასავლეთ ავსტრალიაში იქმდეც კი მივიდნენ, რომ მათ მიწის „ საკუთარი“ მაკვეთი გამოუყვეს, მაგრამ „გაუნათლებელმა“, წერა-კითხვის „უცოდინარმა“ სირაქლემებმა ვერ „წაიკითხეს“ დადგენილება და საკმაოდ ხშირად გადადიოდნენ აკრძალულ ზონაში.
…და გაიმართა ომი. დაწესდა ჯილდო სირაქლემის მოკვლაზე. სრული განადგურებისგან ემუ „წითელმა წიგნმა“ იხსნა