სუპერ ბებია და სუპერ ბაბუა საქართველოში
თურმე კათარზისში ასეთი სახელწოდების კონკურსი იმართება ყოველ წელს. ალბათ ეს ჩემს მსგავსად ბევრ თქვენგანს არ გაუგია, არადა გაგიკვირდებათ და ამის შესახებ უცხოური ბლოგები წერენ. დღეს შემთხვევით წავაწყდი სტატიას და ძალიან გამიხარდა. უცხოელები მოხუცების ასეთ წახალისებას დიდ პატივს სცემენ და ამდაგვარი ღონისძიების გამართვისკენ მსოფლიოს სხვა ქვეყნებსაც მოუწოდებენ.
სათნოების სახლ ,,კათარზისში” წელს უკვე მეშვიდედ გაიმართა საშობაო კონკურსი ,,სუპერ ბებია და სუპერ ბაბუა”. სახელი კია ცოტა ,,რაღაცნაირი”. სუპერზე მუდამ სუპერმენი ან დაკუნთული, ძლიერი არსება წარმოგიდგება თვალწინ, მაგრამ ეგ არაფერი, მთავარია რომ მოხუცებისთვის ერთი გასართობი დღე გამოინახა.
წელს 5 იანვარს ჩატარდა ღონისძიება და 25, 70 წელს გადაცილებული ადამიანი იღებდა მონაწილეობას. ისინი თურმე მღერიან, ცეკვავენ და ასე ამტკიცებენ თავიანთ ,,სუპერობას” : )
გამარჯვებულებს გადაეცათ 300–300 ლარი, ხოლო დანარჩენ მონაწილეებს 50.
ავთანდილ მენთეშაშვილი, 81 წლის.
მარჯვნივ მარიკა სიხარულიძე- 84 წლის, და მაყვალა ბერძენიშვილი 72 წლის (კულისებში თავიანთ გამოსვლას ელოდებიან)
მარიკა სიხარულიძე – 84 წლის და ვახტანგ გოგუაძე – 70 წლის.
ლიკა არაბული – 72 წლის.
გამარჯვებულები – ციური კაკაბაძე 80 წლის და იური მერაბოვი 77 წლის.
პოსტი ეძღვნება სუპერობისკენ მიდრეკილ ყველა ბებიას და ბაბუას : ))
…………………………………………………………………………………………………………………..