თამაშის მიმოხილვა…
Metro: Last Light – პირველი პირის Survival Horror ტიპის თამაში, რომელიც პირდაპირი გაგრძელებაა თამაშისა Metro 2033, რომელიც შექმნილია კომპანია 4A Games-ის მიერ და გამოშვებულია THQ-ს მიერ. თამაშის გამოსვლა დაგეგმილია 4 პლატფორმაზე: PC, Xbox 360, PS3 და Wii U. თამაშის ძრავა იგივე დარჩა, მაგრამ როგორც ცნობილია, თამაშის გრაფიკა ბევრად უფრო უკეთესი იქნება.
შემქმნელები სიამაყით გვამცნობებენ, რომ ეს შუთერი შემოგვთავაზებს სრულიად ახალ, ბრწყინვალე ანიმაციებს, ასევე ჩამთრევ და ატმოსფერულ გეიმფლეის. მათ განაცხადეს, რომ წინა თამაშის ყველა პერსონაჟის გარეგნობა გადამუშავდა და ეხლა ბევრად უფრო რეალურად გამოიყურება, მაგრამ მათი დემონსტრირება ჯერ არ მომხდარა.
ისინი ამბობენ, რომ მათ გააუმჯობესეს თამაშის გრაფიკის სულ ყველა დეტალი. ისინი ძალიან ამაყობენ თავიანთი ნამუშევრით და მისი შეფასების საშუალება სულ მალე მოგვეცემა, ოღონდ მხოლოდ თრეილერებითა და სქრინებით.
თამაშის მთავარი გმირი კვლავ იქნება Артем (ქართულად კარგად არ იწერება), რომელსაც ამჯერად მოუწევს მეტროს გვირაბებში მიმდინარე ომების შეწყვეტა. მოქმედება ვითარდება პირველი თამაშის დამთავრებიდან 1 წელიწადში, როდესაც ატომურ აფეთქებას გადარჩენილი მოქალაქეები უსაფრთხოდ ზიან გვირაბებში მაშინ, როდესაც მიწის ზემოთ მომწამვლელი აირები და მუტანტები თარეშობენ.
დადასტურებულია, რომ შეიცვლება თამაშის დამახსოვრების სისტემა. შემქმნელების თქმით, რა თქმა უნდა, უფრო მოსახერხებელია სწრაფი ჩაწერის სისტემა, მაგრამ მას შეუძლია გააფუჭოს თამაშის ატმოსფერო. მათ დააბალანსეს საკონტროლო წერტილების ადგილმდებარეობები, და განალაგეს ისე, რომ მოთამაშეს ძალიანაც არ გაუჭირდეს თამაში.
თამაშში იქნება ზუსტად იგივე დაჯგუფებები, ოღონდ ახლა უკვე ჩვენ მათ უფრო ახლოდან გავიცნობთ. ასევე დამატებულია დიდი რაოდენობით ახალი იარაღი.
თამაშზე უფრო მეტს შევიტყობთ E3 2012-დან, რომელიც გაიმართება 5-7 ივნისს. ამ დროს THQ წარმოადგენს თამაშის ახალ სქრინშოთებსა და გეიმფლეის. მათ გააუმჯობესეს ინტერფეი, მართვა და სხვა ბევრი რამ, რაც ამ თამაშის მოყვარულთათვის ძალიან კარგია.
ოფიციალურ ფორუმებზე შემქმნელებმა ფანების რამდენიმე შეკითხვას უპასუხეს. ყველაზე საინტერესო ახალ ნაწილში იქნება მორალის სისტემა. როგორც მოგეხსენებათ, მეტრო 2033-ში მორალის განისაზღვრებოდა იმით, თუ რამდენად ხშირად იღებდა მოთამაშე ქალაქში უპატრონო ტყვიებს, რამდენად ხშირად ძარცვავდა გვამებს და სხვა. ამ ნაწილში მორალის განმსაზღვრელი ფაქტორები გაიზრდება, მაგრამ მთავარი ფილოსოფია კვლავ უცვლელი რჩება. მნიშვნელოვანია, რომ შემქმნელები კონკრეტულად არ ასახელებენ მორალის განმსაზღვრელ ფაქტორებს, რათა მოთამაშეს არ შეეძლოს აირჩიოს თამაშის ერთი გზა და ბოლომდე მას მიყვეს. მოთამაშე ნამდვილ არჩევანს აკეთებს მაშინ, როდესაც არ იცის მის არჩევანს რა მოჰყვება. ეს ფსიქოლოგიურ ექსპერიმენტებს გავს – სუბიექტი ითამაშებს ისე, როგორც საჭიროდ ჩათვლის და მისი ნამდვილი ხასიათი გამომჟღავნდება. აქ არ გიწევთ არჩევანის გაკეთება კარგსა და ცუდს შორის, ამიტომ ეს მთლად მორალიც არ გამოდის.
თამაშის ხანგრძლივობა დაახლოებით იმხელა იქნება, რამდენიც მეტრო 2033-ის იყო.
თამაშში იქნება არა მარტო მთავარი მისიები, არამედ ძალიან ბევრი მეორეხარისხოვანი მისია.
აღსანიშნავია, რომ იქნება მულტიფლეიერიც.
Metro: Last Light-ის გამოსვლა დაგეგმილი იყო 2012 წელს, მაგრამ პრობლემების გამო მისი გამოსვლა გადაიდო 2013 წლის პირველ მეოთხედამდე. ეს სავარაუდოდ ბოლო თარიღია.
მოიპოვება რამდენიმე არტი, სქრინი და გეიმფლეის ვიდეო, ამიტომ მე მათ შემოგთავაზებთ.
