არქივი

საინტერესო ფაქტები ტუტანჰამონზე

c6800379f1ae

აღმოსავლეთ ევროპის მამაკაცთა ნახევარი და ბრიტანელ მამაკაცთა 70% ეგვიპტის ფარაონ ტუტანჰამონის (რომელიც ეგვიპტეს 3000 წლის წინ მართავდა) მემკვიდრე და შორეული ნათესავია.

ასეთ დასკვნამდე მივიდნენ შვეიცარიის კვლევითი ცენტრის, IGENEA-ს მკვლევრები, რომლებიც გენეტიკის საკითხებზე მუშაობენ. მეცნიერებმა თავიანთი მოსაზრება ამ საკითხზე ფარაონის მუმიფიცირებული სხეულის ნაშთიდან აღებული დნმ-ის ნიმუშების შესწავლის შემდეგ გამოთქვეს.
74de96775c75

ახალი ამბების საერთაშორისო სააგენტო “როიტერის” ინფორმაციით, ასევე გაირკვა, რომ P161ა2 ჰაპლოჯგუფს განეკუთვნება ესპანელ მამაკაცთა 70% და ფრანგ მამაკაცთა 60%. ფარაონიც მეცნიერებს ამ ჯგუფში ეგულებათ. პოპულაციურ გენეტიკაში, რომელიც კაცობრიობის გენეტიკურ ისტორიას შეისწავლის, ჰაპლოჯგუფი მსგავსი ჰაპლოტიპების ერთობლიობაა, რომლებსაც ადგენენ ქრომოსომების თვისებების მემკვიდრეობით გადაცემის მიხედვით.
cd7f0ab9ee74

აღსანიშნავია, რომ ეს ჰაპლოჯგუფი თანამედროვე ეგვიპტელთა მხოლოდ 1%-ში თუ გვხვდება. მეცნიერთა აზრით, ეს მიუთითებს, რომ ფარაონებსა და დღევანდელ ევროპელებს საერთო წინაპარი ჰყავდათ.

 

“საოცარი იყო, რომ ტუტანჰამონის მონათესავე გენეტიკური მასალები თანამედროვე ევროპელებს აღმოაჩნდათ. ეგვიპტეში ხომ მრავალი ჰაპლოჯგუფი არსებობს, რომელსაც შესაძლოა მიეკუთვნებოდეს ძველი ეგვიპტის მეფეების დნმ-ის ნაწილები. ვფიქრობთ, რომ ფარაონისა და თანამედროვე ევროპელების საერთო წინაპარი კავკასიაში 9,5 ათასი წლის წინ ცხოვრობდა”, – აცხადებს კვლევითი ცენტრის ხელმძღვანელი რომან შოლცი.
3a996afb10a7

მეცნიერთა გათვლებით, P161ა2 ჰაპლოჯგუფის გავრცელება თანამედროვე ევროპის ტერიტორიაზე 9000 წლის წინ, სოფლის მეურნეობის განვითარებასთან ერთად დაიწყო.

ამის მიუხედავად, მეცნიერებს უჭირთ პასუხი გასცენ კითხვას, ფარაონის გენეტიკური ხე, მამის მხრიდან, როგორ მოხვდა ძველ ეგვიპტეში.
e43398f2a074
ახლა გენეტიკოსთა წინაშე დგას ამოცანა: დნმ-ის უფრო ზუსტი ანალიზის შედეგად დაადგინონ ლეგენდარული ფარაონის “უახლოესი ნათესავები”.
მათი კვლევის შედეგებმა პუბლიკის დიდი ყურადღება უკვე მიიპყრო.

მსგავსი ამბები

იხილეთ ასევე
Close
Back to top button