სადაცაა 2011 წელი წარსულს ჩაბარდება და დაიწყება დამაინტრიგებელი 2012. ამ საიტზე უკვე იდო 10 ყველაზე დასამახსოვრებელი ვიდეო, მე შემოგთავაზებთ 10 ყველაზე დასამახსოვრებელ ფოტო სურათს (ზოგი შეიძლება არც კი გქონდეთ ნანახი).
10. უშველებელი ნიანგი
სამ კვირიანი ნადირობის შემდეგ 4 სექტემბერს ფილიპინებზე ცოცხლად შეიპყრეს 6,4 მეტრიანი ნიანგი.
9. ზვიგენი ციკლოპი
ეს გასაოცარი ზვიგენი ივნისში დაიჭირეს მექსიკასთან ახლოს. ბევრმა გამოთქვა ვარაუდი, რომ უბრალო ყალბ ფოტოსთან გვაქვს საქმე, თუმცა მოგვიანებით დამტკიცდა რომ ეს არსება ნამდვილია.
8. ამბორი აურზაურში
ეს სურათი კი ალბათ ბევრს გაქვთ ნანახი. ვანკუვერში 15 ივნისს ჰოკეის გუნდმა წააგო და ფანებმა თავისი გულისწყრომა მიტინგით და დემონსტრაციით გამოხატეს, საქმე იქამდე მივიდა რომ პოლიცია ჩაერთო საქმეში და სწორედ ეს მომენტი ჩათვალა წყვილმა შესაფერისად თავიანთი სიყვარულის გამოსახატად.
7. უკანანასკნელი შატლის აფრენა
2011 წელი იყო დიდი ეპოქის დასასრულიც. დამთავრდა მრავალჯერადი კოსმოსური ხომალდების, შატლების ფრენის ეპოქა, დასრულდა თავისი ტრიუმფებით და შემაძრწუნებელი ტრაგედიებით. ერთი-ორი სიტყვა თვით სურათის შესახებ: ის გადაღებულია არა ნასას , არამედ ერთი უბრალო ბიჭის, რაიან გრაფის მიერ, რომელიც ამ დროს თვითმფრინავში იჯდა და მიეცა შანსი ეს ლამაზი და ისტორიული მომენტი დაეფიქსირებინა.
6. ამერიკის შეიარაღებულ ძალებში ოფიციალურად მოიხსნა “არ შეეკითხო არ უთხრას” პოლიტიკა
2011 წლის 20 სექტემბრამდე ამერიკის შტატების შეიარაღებულ ძალებში ჰომოსექსუალიზმთან ბრძოლის ერთგვარი პოლიტიკა იყო ჩამოყალიბებული, აქ ჯარისკაცს არც თვითონ უნდა გაემხილა სექსუალური ორიენტაცია და არც სხვისთვის უნდა ეკითხა. ახლა კი ყველაფერი შეიცვალა და მსგავსი ბარიერი აღარ არსებობს, ამ გოგონასაც ბევრი აღარ უფიქრია და ფოტოკამერის წინ დააფიქსირა თავისი პოზიცია.
ამ სურათმა კიდევ ერთი ნამდვილად ისტორიული ფოტო გამახსენა, რომელიც ნიუ იორკშია გადაღებული მეორე მსოფლიო ომის დასრულების შემდეგ.
აი ასე გადის 66 წელი და… ეჰ რა გოგოები ცდებიან :(
5. გაყინული ტბა
ლამაზი სურათია, ტბა მთლიანადაა გაყინული, ეს შეიძლება უკანასკნელი წელიწადიც იყოს, როდესაც კანადაში ტბა იყინება.
4. დემონსტრაციის დაშლა ამერიკულ უნივერსიტეტში
18 ნოემბერი, კალიფორნია, შეხედეთ როგორ უდარდელად და მშვიდად აშხურებს ეს პოლიციელი მშვიდობიან დემონსტრანტებს წიწაკიან აეროზოლს.
3. ეიფელის კოშკს ეცემა მეხი
2. ბარაკ ობამა ხელს გვიქნევს
სურათი გადაღებულია 20 სექტემბერს, გაეროს სხდომაზე. პრეზიდენტების ჯგუფური ფოტო, ობამა ხელს წევს ზევით და ფარავს მონღოლეთის პრეზიდენტს.
ს
1. ვეშაპი ყლაპავს მყვინთავს
სათაური უბრალოდ ხუმრობაა, ვეშაპი პლანქტონებით იკვებება და სულ არ აინტერესებს ადამიანი, თუმცა მყვინთავი ძალიან ახლოს იყო და ვეშაპს შეეძლო შეესრუტა კიდეც. ფოტო მექსიკაშია გადაღებული.
სულ ეს იყო, დაველოდოთ 2012 წლის ფოტო კოლაჟს და იმედი ვიქონიოთ რომ რაიმე ამდაგვარს არავინ გადაიღებს.
პოსტის შექმნაში მონაწილეობას იღებდნენ
yahoo.com
bing.com
radikal.ru
და თქვენი მონა-მორჩილი
