10 ყველაზე სწრაფი ჰეთ-თრიკი ფეხბურთის ისტორიაში
10.კევინ პრინც ბოატენგი
კევინ-პრინც ბოატენგი (ლეჩე – მილანი 3:4) – 14 წუთი
“მილანისა” და “ლეჩეს” შეხვედრის პირველი ტაიმი “ლეჩეს” გამარჯვებით, ანგარიშით 3:0 დასრულდა. მეორე ტაიმში “როსონერის” თავკაცმა მინდორზე შეუშვა კევინ-პრინც ბოატენგი, რომელმაც 14 წუთში ჰეთ-თრიკი შეასრულა. ის თამაში “მილანმა” ანგარიშით 4:3 მოიგო. 14 წუთში სამი გოლის გატანას ბევრი ვერ დაიკვეხნის. გთავაზობთ მსოფლიო ფეხბურთის ისტორიაში ყველაზე სწრაფი ჰეთ-თრიკების ათეულს, რომელშიც ბოატენგის გმირობა მეათე ადგილზე აღმოჩნდა.
9)მარკო ვან ბასტენი
მარკო ვან ბასტენი (მილანი – გიოტებორგი 4:0) – 10 წუთი
ლეგენდარულმა ჰოლანდიელმა ამ თამაშში პოკერი გაიფორმაა, ჰეთ-თრიკი კი სულ რაღაც 10 წუთში შეასრულა. იმ სამი გოლიდან ერთი ჩემპიონთა ლიგის ისტორიაში ერთ-ერთ ულამაზეს გოლად ითვლება. მარკომ პენალტის ნიშნულიდან მაკრატელათი გაიტანა გოლი.
8)ოლე გუნარ სოლსკიაერი
ოლე გუნარ სოლსკიაერი (ნოტინგემ ფორესტი – მანჩესტერი 1:8) – 10 წუთი
“ბავშვური სახის ასასინი” – ასე მოიხსენიებდნენ ნორვეგიელს ინგლისში. “მკვლელის” რეპუტაცია მან “ნოტინგემთან” მატჩშიც გაამართლა. თუმცა, სოლსკიაერმა თავისი პირველი გოლი მაშინ გაიტანა, როდესაც “მანჩესტერი” თამაშს ანგარიშთ 4:1-ს იგებდა. ამ მატჩში მანკუნიანელთა დანარჩენი ოთხივე გოლი ნორვეგიელის ანგარიშზეა. მართალია, ათ წუთში შესრულებული ჰეთ-თრიკი ყველა დროის რეკორდი არ არის, მაგრამ 12 წუთში გაკეთებულ პოკერს ვერავინ დაიკვეხნის.
7)ლასლო კიში
ლასლო კიში (უნგრეთი – სალვადორი 10:1) – 7 წუთი
1982 წლის მსოფლიო ჩემპიონატის ერთ-ერთ პირველ მატჩში უნგრეთმა სალვადორი გაანადგურა. კიში მინდორზე მაშინ გავიდა, როდესაც უნგრელები უკვე 5:0-ს იგებდნენ და შვიდ წუთში ჰეთ-თრიკი შეასრულა.
6.ჯერმაინ დეფო
ჯერმაინ დეფო (ტოტენჰემი – უიგანი 9:1) – 7 წუთი
კიდევ ერთი უხვგოლიანი მატჩი, რომელშიც რამდენიმე რეკორდი აღინიშნა. შვიდ წუთში შესრულებული ჰეთ-თრიკი პრემიერლიგის ისტორიაში მეორე ადგილზეა. დეფომ ამ მატჩში ხუთი გოლი გაიტანა. ასეთ მაჩვენებელს კი პრემიერლგის არსებობის მანძილზე მხოლოდ სამი ფეხბურთელი დაიკვეხნის.
5.მარკო ვან ბასტენი
მარკო ვან ბასტენი (მილანი – ატლანტა 3:1) – 6 წუთი
ამ ერთგვარ რეიტინგში მარკო ვან ბესტენი მეორედ მოხვდა. ეს კიდევ ერთხელ ადასტურებს მოსაზრებას, რომ ჰოლანდიელი ყველა დროის ერთ-ერთი საუკეთესო მეგოლეა. ეს სწრაფი ჰეთ-თრიკიც იმ სეზონში შესრულდა, რომელშიც პირველი. იმ სეზონში “მილანი” იტალიის ჩემპიონი გახდა. მარკომ კი 31 მატჩში 25 გოლი გაიტანა.
4.დავიდ ვილია
დავიდ ვილია (ბილბაო – ვალენსია 0:3) – 5 წუთი
ახლა ვილია ესპანეთის ნაკრების საუკეთესო ბომბარდირია. მან თვით რაულსაც კი გაუსწრო, თუმცა მანამდე დიდი ხნით ადრე დავიდმა ბილბაოში, “სან მამესის” სტადიონზე, პრიმერას უსწრაფესი ჰეთ-თრიკი შეასრულა. “ატლეტიკისა” და “ვალენსიას” მატჩის დასრულებამდე 10 წუთი რჩებოდა, ტაბლოზე კი ორი ნული ენთო. ვილიამ ბასკებს ქულის აღების იმედი ხუთ წუთში მოუსპო.
(დავიდ ვილიას ფოტო არ დაგჯირდებათ :) )
3.რობი ფაულერი
რობი ფაულერი (ლივერპული – არსენალი 3:0) – 4 წუთი
პრემიერლიგის უსწრაფესი ჰეთ-თრიკი რობი ფაულერს ეკუთვნის. 1994 წელს “ლივერპულისა” და “არსენალის” მატჩში რობის სამი გოლის გასატანად 4 წუთი და 33 წამი დასჭირდა.
2.გერდ მიულერი
გერდ მიულერი (დიუსელდორფის “ფორტუნა” – “ბაიერნი” 6:5) – 4 წუთი
გერდ მიულერს კარეირის მანძილზე 600 გოლზე მეტი აქვს გატანილი. მას არაერთ მატჩში შეუსრულებია ჰეთ-თრიკი, თუმცა 4 წუთში სამი გოლის გატანა მხოლოდ ერთხელ – “ფორტუნასთან” გამართულ 11-გოლიან თრილერში მოახერხა
1.ტომი როსი
ტომი როსი (“როს ქაუნთი” – “ნარინ ქაუნთი 8:1) – 90 წამი
მსოფლიო ფეხბურთის ისტორიაში უსწრაფესი ჰეთ-თრიკი ოფიციალურად ტომი როსს ეკუთვნის. ხსენებულ მატჩში როსი მხოლოდ 18 წლის იყო. 90 წამში შესრულებულ ჰეთ-თრიკს მან კიდევ ოთხი გოლი დაუმატა და თავისი გუნდის რვა გოლიდან შვიდი საკუთარ ანგარიშზე ჩაიწერა. ეს ჰეთ-თრიკი გინესის რეკორდების წიგნშიც შეიტანეს.
ტომი როსი დარწმუნებულია, რომ მის მიღწევას ვერავინ გაიმეორებს: “ამ შედეგის გამეორება თითქმის შეუძლებელია. თავად განსაჯეთ: გატანილ გოლს ფეხბურთელები, სულ მცირე, წუთ-ნახევრის განმავლობაში აღნიშნავენ. გოლის შემდეგ ჩვენ არც ვკოცნიდით და არც ვეხვეოდით ერთმანეთს. გავიტანდით და თამაშის გასაახლებლად სწრაფად ვბრუნდებოდით მოედნის ცენტრში”
წყარო: 24saati.ge