ვაიმარანერი
ძაღლის ჯიში ვაიმარანერი. ეს არის ჩემთვის უსაყვარლესი ძაღლის ჯიში. ბევრმა არ იცის მის შესახებ. ამიტომაც მე მინდა გაგეგებინოთ ცოტა რამ მის შესახებ.
ეს ძაღლი ცნობილია თავისი მონადირული თვისებებით. თავიდან მას დიდ ნადირზე – მგელზე, დათვსა და ტახზე სანადიროდ იყენებდნენ , მოგვიანებით კი ფრინველზე ნადირობას შეაჩვიეს. თავდაპირველად ეს ძაღლი ევროპელი ჯენტლმენის პირად მონადირე ძაღლად და მეგობრად ითვლებოდა.
ვაიმარანერი აქტიური, ძლიერი, გონიერი, უშიშარი ძაღლია , მაგრამ ბევრი ვარჯიში და მკაცრი კონტროლი სჭირდება. ვაიმარანერი ცალკე ჯიშად XIX საუკუნეში აღიარეს. ეს ჯიში ვაიმარის დიდი საჰერცოგოს დიდგვაროვნებმა, როგორც ჩანს, ბლად ჰაუნდისა და სხვადასხვა ჯიშის მონადირე ძაღლების შედეგად გამოიყვანეს. ამ ძაღლს შესანიშნავი ყნოსვა უდოავოდ მის წინაპართა დამსახურებაა. გერმანელებს არ უნდოდათ რომ ეს ჯიში სხვა ქვეყნებში გავრცელებულიყო და ამიტომაც მისი გამრავლება მკაცრად კონტროლდებოდა. 1930 წლის შემდეგ გერმანელებმა ნება მისცეს უცხოელებს ძაღლის ჯიში გაევრცელებინათ. გავრცელების შემდეგ კი მან საკმაოდ დიდი პოპულარობა და აღიარება მოიპოვა აშშ-სა და დიდ ბრიტანეთში.
P.S თუ ძაღლი არ მოგწონთ, გთხოვთ უარყოფითი კომენტარები არ დაწეროთ