საცხობი სოდა გამოიყენება არა მხოლოდ თქვენი საყვარელი ნამცხვრების გამოსაცხობად, არამედ სამზარეულოს გარეთაც.
წარმოგიდგენთ რამდენიმე რჩევას ჩვეულებრივი სოდის გამოყენებით.
სოდა შეგიძლიათ გამოიყენოთ წებოვანი სტიკერების მოსაშორებლად, ეს ხომ ყოველთვის უსიამოვნო პროცესია. ქოქოსიც ზეთის და ჩვეულებრივი საცხობის სოდის კომბინაციით კი ამ პროცესს გაიადვილებთ. თანაბრად აურიეთ ეს ორი ინგრედიენტი ერთმანეთს, შემდეგ კი გამოიყენეთ სტიკერის მოსაშორებლად.
ამ ხრიკს თუ გამოიყენებთ თქვენი ვერცხლის სამკაული ახალივით გაბრწყინდება.
ჯამში ჩადეთ ფოლგას პატარა ქაღალდი, ბრჭყვიალა მხრით მაღლა, დაუმატეთ 1 მწიკვი მარილი, საცხობი სოდის 1 ს/კ, ½ ჭიქა მდუღარე წყალი და ½ ჭიქა თეთრი ძმარი. ჩადეთ ვერცხლი ჯამში ისე, რომ ფოლგა ვერცხლს შეეხოს და დატოვეთ 5 წუთით. შემდეგ ამოიღეთ და მშრალი ნაჭრით დაასუფთავეთ.
სოდა ასევე გამოიყენება ცხიმიანი ლაქების მოსაშორებლად.
ასეთი ტიპის ლაქების ამოყვანა ძალიან რთულია, მაგრამ ამ მარტივი ხერხის გამოყენებით, ლაქის მოშორება შესაძლებელი ხდება. უბრალოდ დააქუცმაცეთ საპონი, დადეთ ცხიმიან ლაქაზე და კბილის ჯაგრისით რამდენიმეჯერ გაწმინდეთ, დატოვეთ საპონი ლაქაზე 15-30 წუთით, შემდეგ კი ჩამორეცხეთ. მოათავსეთ ლაქაზე სოდის 1-2 კოვზი და ისევ 15-30 წუთით დატოვეთ. გარეცხეთ ცივ წყალში. თუ საჭირო გახდა გაიმეორეთ.
საცხობ სოდას ასევე შეუძლია ეფექტურად დაგიცვათ უსიამოვნო სუნისგან მანქანაში ან ოთახში. აურიეთ ერთმანეთს 2 ჭიქა სოდა, 1-2 ჭიქა დისტილირებული წყალი და რომელიმე ეთერზეთი. მოათავსეთ მიღებული მასა სილიკონის ფორმაში და დაელოდეთ 48 საათი სანამ მასა გაშრება.
მარწყვი და საცხობი სოდა კბილების გათეთრებისთვის? დიახ ეს ასეა. აურიეთ ერთმანეთს ½ ჩ/კ სოდა და ერთი დაჭყლეტილი მარწყვი და გახეხეთ კბილები. გამოიყენეთ ეს რეცეპტი თვეში რამდენჯერმე ჩვეულებრივ კბილის პასტასთან ერთად.
ლიმონის და სოდის კომბინაციის მეშვეობით შეგიძლიათ
დაემშვიდობოთ ლაქებს აბაზანაში. უბრალოდ გაჭერით ლიმონი შუაზე და სოდაში ჩადეთ, შემდეგ კი ზედაპირს წაუსვით და წყლით გაწმინდეთ.
აურიეთ ერთმანეთს 4 ს/კ საცხობი სოდა, 1 ს/კ თაფლი, 2 ჩ/კ წყალი, და ციტრუსის რამდენიმე წვეთი და წაისვით სახეზე 10-15 წუთით, შემდეგ დაბანეთ სახე თბილი წყლით. კანი ნაზი და სუფთა გახდება.
გააკეთეთ ნიღაბი თქვენი თმისთვის საცხობი სოდის გამოყენებით. აურიეთ ერთმანეთს 1 ჭიქა თბილი წყალი და ½ ჭიქა საცხობი სოდა, შემდეგ კი თმაზე წაისვით. შეგიძლიათ ეს ნარევი გამოიყენოთ შამპუნის შემდეგ. თქვენი თმა ფაფუკი და მბზინავი გახდება.
სამზარეულოში დავბრუნდეთ. სოდის გამოყენებით შეგიძლიათ სამზარეულოში ნიჟარის გაწმენდა. უბრალოდ საკანალიზაციო მილში ჩაასხით 1 ქვაბი მდუღარე წყალი, შემდეგ ½ ჭიქა სოდა. დატოვეთ რამდენიმე წუთით, დაამატეთ 1 ჭიქა ძმარი და 1 ჭიქა მდუღარე წყალი. დატოვეთ 5-10 წუთით, და შემდეგ ნიჟარის გამოყენება შეგიძლიათ.
წყარო – aww.ge
