კრამპუსი – სანტას ბოროტი თანამგზავრი
კრამპუსი არის მითოლოგიური არსება. ლეგენდის თანახმად კრამპუსი თან ახლდა წმ. ნიკოლოზს საშობაო სეზონზე, იგი აფრთხილებდა და სჯიდა ცუდ ბავშვებს, განსხვავებით წმ. ნიკოლოზისგან, რომელიც ასაჩუქრებდა კარგ და ჭკვიან პატარებს
5 დეკემბერს აღნიშნავენ კრამპუსის დღეს ავსტრის ზოგიერთ ნაწილში, კრამპუსების (ნაყოფიერების ეშმაკები) მოძრაობა ჩაისახა ტარვისიოს რაიონში, იტალიაში, ავსტრიის საზღვართან. კრამპუსი არის ბოროტების ნაყოფიერების დემონი, რომელსაც აქვს გრძელი კუდი, ბეწვი, ჯაწვი და დიდი შავი ჩანთა. ბავშვები და მოზარდები გადიან სოფლის მოედანზე და ისვრიან გუნდებს მის შესაშინებლად. ზოგიერთი ადამიანი გამოწყობილია კრამპუსის ფორმაში. ამ დღისთვის სპეციალურად წმ. ნიკოლოზის ან კრამპუსის ფორმის პური ცხვება და იყიდება.
კრამპუსი ასევე ცნობილია ავსტრიაში, როგორც: Kneckt Ruprecht ან შავი პიტერი. გერმანიაში მას უწოდებენ: Pelzebock, Pelznickel (ან Belznickel), Hans Muff, Bartel, Gumphinkel, Stoppklos, Black Pit, or Knecht Ruprecht. ზალცბურგში ახალგაზრდა ბიჭები იცვამენ ცხოველის მუქი ფერის ტყავს, წითელი ფერის ნიღაბს რქებით. ისინი მოძრაობენ გეტრეიდეგასეზე, ძირითად სავაჭრო ქუჩაზე, სადაც ხალხს თავს აჩვენებენ თითქოს პატარა ბავშვებს იტაცებენ. წმ. ნიკოლოზი მიჰყვება მათ უკან და არიგებს ტკბილეულს.