თქვენ ახლა უცნაურზე ხართ და ამ პოსტს კითხულობთ, ესეიგი სამოგზაურო ბილეთიც უკვე აგიღიათ, ასე რომ დავიწყოთ, დღეს დავათვალიერებთ 4 საინტერესო ადგილს
პირველად მინდა მისისიპი მოვინახულოთ, აქ ერთი ძალიან საინტერესო ადგილი მეგულება.
ალბათ ერთხელ მაინც წარმოგიდგენიათ როგორი იქნებოდა სიცოცხლის ხე, ან სიყვარულის ხე, თუნდაც ორივე ერთად :)) ზუსტად ასეთი შთაბეჭდილება გექმნება როცა ამ მუხის ხეს უყურებ. მას Angel Oak-ს ეძახიან, 1500 წელზე მეტი ხნისაა. სამხრეთ კაროლინის ყველაზე პოპულარული სანახაობაა ტურისტებისთვის. ადამიანები ხეს პარანორმალურ მოვლენებსაც უკავშირებენ, ზოგი ამბობს რომ აქ მოჩვენებები, ყოფილი მონების სულები ხშირად ჩნდებიან და ხის ირგვლივ დადიანო.
ხე ბევრჯერ დაზიანდა მიწისძვრებისა თუ წყალდიდობების წყალობით,მაგრამ მაინც გადარჩა და მშვენივრად გამოიყურება
პარკი ,,წმინდა მიწა”
ეს პარკი 2001 წლის 5 თებერვალს გაიხსნა. შემქმნელები ამბობენ,რომ ეს არის ისტორიული პარკი, სადაც დიდებსა თუ პატარებს შეუძლიათ ცოტა ხნით გადაინაცვლონ წარსულში, შეიგრძნონ და ახლოდან ნახონ ბიბლიური პერსონაჟების მიერ გაცოცხლებული სცენები, აქ ყველაფერია იმისთვის,რათა თავი ნამდვილ ბიბლიურ სამყაროში იგრძნოთ.
პარკი ფლორიდაში, კერძოდ ორლანდოში მდებარეობს და მისი მშენებლობა 15 მილიონი დოლარი დაჯდა.
ეს პარკი ნამდვილად არ მომეწონა, დადგმული სპექტაკლები, უაზრო მსახიობობა და კიდე ათასგვარი სისულელე ძალიან შორსაა რელიგიისგან და კონკრეტულად ბიბლიისგან, მაგრამ გემოვნებაზე არ დაობენო და კი ყავთ ბევრი სტუმარი.
სოფელი ქენდოვანი
მოგდომებიათ გამოქვაბულში გეცხოვრათ? მაშინ ეს ადგილი თქვენთვისაა, აქ ქვის გარდა საინტერესოს ვერაფერს ნახავთ, სამაგიეროდ შეგიძლიათ დატკბეთ ქვის სახლებით, ეს მართლაც ულამაზესი სანახაობაა.
ეს ტურისტული სოფელი ირანში, ქალაქ თავრიზის მახლობლად მდებარეობს. ლეგენდის თანახმად,პირველი მაცხოვრებლები აქ მონღოლთა შემოსევის შედეგად მოხვდნენ. ირანელებმა თავი ამ ადგილს შეაფარეს და ნელ-ნელა საცხოვრებელი პირობები შეიქმნეს. ყოველ წელს აქ ბევრი ტურისტი ჩამოდის.
Elancourt – მინიატურული საფრანგეთი
აი ჩვენ პარიზში ვართ, მთელი საფრანგეთის დათვალიერებაზე არ ვიტყოდით უარს,მაგრამ ჯერ ერთი ეს ძვირი სიამოვნებაა,თანაც არც დრო მაქვს ამდენი გენაცვალე ყველაფერი რომ შემოგატაროთ :lol2: ამიტომაც არსებობს ასეთი მშვენიერი ადგილი,რომელსაც Elancourt ჰქვია. ის პარიზიდან 30 კილომეტრში მდებარეობს, აქ შეგიძლიათ ამოიკითხოთ საფრანგეთის ისტორია და კულტურა, უბრალოდ მინიატურულად.
5 ჰექტარზე გადაჭიმულია სხვადასხვა სასახლეები, სკულპტურები, აგარაკები, საძოვრები, 160 ძეგლი, 60 000 ადამიანის მინიატურა, 20 000 პატარა ხე, 5 მდინარე. მოკლედ ამ ადგილს თუ ესტუმრებით, შეგიძლიათ თქვათ,მთელი საფრანგეთი მოვიარეო.
მორჩა პოსტი,ამოალაგეთ ჩემოდანი : ))) კიდევ გამომყვებით სამოგზაუროდ თუ აწი მარტო წავიდე? :(
…………………………………………………………………………………………………………………..