ახალი ამბები

გერმანიაში დამფრთხალმა ცხენებმა 44 ბავშვი გათელეს

014b28cfc2a7
გასაოცარი მოვლენა გერმანიაში გერმანიის ჩრდილოეთით დამფრთხალმა ცხენებმა 44 ბავშვი გათელეს. ცხენებით სეირნობაში სულ ასამდე, 8-დან 17 წლამდე ასაკის ბავშვი და მოზარდი მონაწილეობდა. მათ თან უფროსებიც ახლდნენ.

საღამოს, როცა პატარა მხედრები შინ ბრუნდებოდნენ, ცხენები რაღაცამ შეაშინა. დამფრთხალ ცხოველებზე მხედრებმა თავი ვერ შეიმაგრეს და ბევრი მათგანი ჩლიქებქვეშაც აღმოჩნდა. მედიკოსთა თქმით, ბავშვებმა სხეულის სხვადასხვა ნაწილების დაზიანებები მიიღეს.
2f9a39ede926

c184d1c7b5d5

ერთ-ერთი ვერსიით, მოწინავე რიგში მყოფმა მხედარმა ბიჭუნამ თავისი ჩირაღდანი ძირს დაადგო. ცხენი შეშინდა და ატორტმანდა, რითაც დანარჩენი ცხენებიც დააფრთხო. ფაქტთან დაკავშირებით გამოძიება მიმდინარეობს.

შემთხვევის ადგილზე ექიმები დროულად მივიდნენ და ბავშვები უახლოეს კლინიკებში გადაიყვანეს. ყველაზე მეტად 14 წლის დიუსელდორფელი გოგონა დაზარალდა, რომელიც ინტენსიური თერაპიის განყოფილებაში მოათავსეს.

წყარო: ambebi.ge

თეგები

მსგავსი ამბები

Back to top button
Close
Close