მიშელ ობამამ ამერიკის ისტორიის ნაციონალურ სმითსონის სახელობის მუზეუმს საჩუქრად საღამოს კაბა გადასცა, რომელიც მას პრეზიდენტის ინაუგურაციაზე ეცვა. როგორც ”Associated Press” იტყობინება, აღნიშნული კაბა იმ კოლექციას შეავსებს, რომელიც – აშშ-ის 34-ე პრეზიდენტის, დუაიტ ეიზენჰაუერის მეუღლიდან მოყოლებული 11 პირველი ლედის კაბას აერთიანებს.

კაბის პრეზენტაციაზე მიშელ ობამას კაბის შემქმნელი – 27-წლის ტაივანელი მოდელიორი, ჯეისონ ვუ ახლდა თან. მოდელიორმა სახელი სწორედ პირველ ლედისთან მუშაობით გაითქვა. კაბასთან ერთად მუზეუმს საჩუქრად ფეხსაცმელი, ბეჭედი, სამაჯურები და საყურეც გადასცეს. ტრადიციების გამგრძელებელმა 44-ე პრეზიდენტის, ბარაკ ობამას მეუღლემ ამ ყველაფერს ”ცოტა უცნაური” უწოდა. ”რამდენი ადამიანი შევაწუხე, ჩემი ნივთები საჯაროდ რომ გამომეფინა!”, – განაცხადა მიშელ ობამამ მუზეუმში სიტყვით გამოსვლისას.

ამერიკის ისტორიის მუზეუმი სმითსონის სახელობის ინსტიტუტის კუთვნილი ერთ-ერთი დაწესებულებაა, რომელშიც მრავალი ცნობილი ადამიანის ტანისამოსი ინახება.

წყარო:ambebi.ge